國際紅貓尖東忌廉哥駐守嘅便利店即將結業，一眾粉絲都依依不捨，想一睹忌廉哥雄風就要趁早喇。忌廉哥因2012年失蹤而火速走紅，成為國際知名嘅貓明星，就連俄羅斯、日本媒體都訪問佢，忌廉哥仲係第一隻殺入香港書展仲開埋「簽名會」嘅喵喵，大大話話已經出過三本書。

由走紅到而家，忌廉哥除左係便利店嘅生招牌之外，仲幫過唔少有情緒問題、唔開心嘅人走出低谷。雖然以後未必再可以咁近距離見忌廉哥，但高生仲會喺網上更新忌廉哥嘅最新動向，繼續喺網上發放正能量。